crystal888's Xanga

2008 1219接機記 (Part1)

Sun, 21 Dec 2008 13:15:13 GMT

相隔兩年零九個多月，Jerry 終於在19日的晚上再次出現在香港機場。

這天亦是我喜歡Jerry 7年來第一次接機。

本來我跟銀約好話搭地鐵去東涌，再轉巴士。點知臨出發前佢又同我講話佢個friend租左七人車，叫我同佢地一齊。本身我諗住唔跟佢地，打算分頭行事，因為我覺得5點半先係旺角出發去機場太趕，畢竟言生班機6:10到wor。不過我最後都係選擇左跟佢地，就係呢個決定為我跟住落黎的恐怖接機記埋下伏筆。＝．＝

我5點20左右接到kym的電話, 佢好緊張咁用半鹹淡的廣東話(佢係新加坡人)問我: “你地依家係邊呀? Jerry的飛機5點55分就到喇!” 我當堂擘大個口得個窿。咪玩啦大佬！5點55分就黎，算盡你6點15分點都出左黎啦！但無辦法，除左頂硬上別無他法。

點知我地5點半去到金雞商場果陣，Karen話個司機打黎話係尖沙咀塞緊車wor，

What the………………………..跟住一路等一路等，Karen同另一個旭迷都勁心急，不斷打電話催個司機，又係咁問機場果邊咩情況。所以雖然我果陣都好心急，兼且已經無乜mood，但都唔好意思出聲。

最後一路等到5點50分左右，個司機仲話塞係旺中，唔好玩啦哥哥。再繼續等到6點05分左右，佢又打黎叫我地去朗豪坊上車。跟住我地4個就係旺角街頭狂奔，跑左幾耐我都唔記得，剩係記得不斷係街頭穿插，好似有經過信和，再跑落地鐵站，同向下行的行人搏力，逆流而上。最後行到隻腳開始跛，終於到朗豪坊喇！！！！！！！！！！！！但係居然又搵唔到架車 =.=

再等多成3分鐘先見到架車，拿臨飛上車，四個人迫係中間，真係累到乜咁。跟住我地就不停催個司機（其實我果陣已經無哂希望，因為我覺得根本就趕唔到去。），連另外果兩個好有經驗的fans都係諗住係青衣唔知乜收費亭等，打算追佢架車番酒店算。途中我地幾個部手提不停響，一時又話過immigration喇，一時又話佢等緊行李喇，一時又話出黎喇！總之就亂到乜咁。過左一陣間已經由高速公路轉到唔知咩地方，開始見到貨櫃碼頭。呢時司機就問我地：“點呀？入唔入機場呀，應該趕得切架wor!”又話：“的士佬開盡都係120km，我依家150km，佢仲慢過我！”我地初時仲係猶豫不決，諗住見步行步。

跟住有fans打黎問我地係邊，我地話應該係東涌啦，點知過左唔夠一陣，個司機就話我地已經入機場喇。跟住問現場fans知道Jerry原來係B閘出，就即刻叫司機揸去１號入境大堂。

一落車，我隻腳就好似摩打咁，邊跑邊問：“點呀Karen行邊邊呀?”“轉左轉左！！！”“之後呢？”“轉左落電梯！！！”一落電梯，心跳終於慢番少少，因為電梯下係黑壓壓一大片人群，原來Jerry仲未出黎！！！

6:10先正式上車，居然可以6點半就到機場！

真係超勁！！！　我從來無諗過原來可以4個字就入到機場！

雖然我唔知個哥哥叫咩名，但你係掂ge！！！

果下真係勁勁勁勁勁勁勁開心，又好好好好好好好好好緊張。

開心緊張到3唔識7都撩人傾計。

初初見到有個姐妹好似87，就拍佢膊頭啦，點知佢一”另”轉面，我就知衰左喇。

原來唔係87黎ge! 佢用國語問我：“有什麼事嗎？”我又唯有厚住面皮問：“請問你是從什麼地方來的? ” 哦，原來係上海的姐妹。見佢隔離企住個妹妹，隻手拎住隻雞的膠公仔（呢隻雞之後勁囉），我就又用國語問佢：“你也是從上海來的嗎？”點知人地用廣東話答我：“我香港黎。”……………………………………………..你能想像我當時有幾咁樣衰嗎????????????????????????????????????????

嗚!!!!!!!!!!!!! 好樣衰呀!!!!!!!!!!!!!!!!!!!!!!!!!!!!!!

原來佢又係讀F6，叫子巾（子恩係咪你D friend ? kakaka），係香港家族玩開。

跟住我地就傾下計啦，我又拎定相機出黎影左旭迷兩張相。

跟住有個外國人出到黎見咁多人係度等，就同我地揮手又飛吻，

扮哂我地係黎接佢咁。但我地都好識做，woo左兩聲俾佢聽，哈哈哈，真係好搞笑。

過無幾耐，我後面個旭迷接到禁區內fans的電話，話Jerry岩岩入左廁所，跟住D人又嗌。哈哈哈，入廁所有乜咁開心？ A_A

後續

p.s. 我真係俾有線影左 >_<

Wednesday, December 17, 2008

Wed, 17 Dec 2008 09:25:58 GMT

SJ希望旭迷到時可以大聲合唱"勇氣"俾Jerry聽
會, 我一定會
無諗到過左咁耐再聽, 仍然係咁感動

終於做了這個決定
別人怎麼說我不理
只要你也一樣的肯定
我願意天涯海角都隨你去
我知道一切不容易
我的心一直溫習說服自己
最怕你忽然說要放棄

愛真的需要勇氣
來面對流言蜚語
只要你一個眼神肯定
我的愛就有意義
我們都需要勇氣
去相信會在一起
人潮擁擠我能感覺你
放在我手心裡你的真心

如果我的堅強任性
會不小心傷害了你
你能不能溫柔提醒
我雖然心太急更害怕錯過你

http://hk.youtube.com/watch?v=Y2TwOiJPM-I

上一次見你已經是06年8月13日的事了
現在還有兩日就見到你
心情很複雜

報錯料 =.=

Sat, 13 Dec 2008 09:26:32 GMT

最新行程（12/13 Update） from StarJerry
2008-12-13 18:00:39

2008-12-17 台灣飛往韓國首爾
2008-12-18 韓國首爾（參加中國中央電視台”同一首歌”演出）
2008-12-19 韓國首爾飛往香港
2008-12-20 “Jerry with You in Hong Kong 2008” StarJerry香港見面

======================================================

原來唔係係台灣黎, 係係韓國黎;
唔係搭CX405, 係CX411先岩, 好彩都係18:10黎 ^^"
之前報錯料真係唔好意思因為我剩係知佢會6點10分黎ja, 鬼知佢會無神神去韓國咩

今個禮拜好多好多功課, 下個禮拜又要present又要中化PA test,
加上今日成日咩都無做過,
所以聽日一定要清喇
我唔想帶住隻熊貓眼見佢

加油!!!!!!!!!!!!!!!!!!!!!!!!!!!!!!!!!!!!!!!!!!!

p.s. nikika有無又黎偷睇?

=====================================================

為左表示我的歉意, 送番張靚靚蓮大人俾大家
chino真的很有才仲要隨便畫畫都咁靚 >_<

Tuesday, December 09, 2008

Tue, 09 Dec 2008 07:40:21 GMT

嘿嘿...新鮮滾熱辣小道
俾我知道你搭邊架了
CX405 18:10 A_A

========================================

岩岩知道一個日本朋友抽唔到今次fans meeting的飛
其實我一早就估到, 日本果邊咁遲先知道抽籤詳情,
係因為Jerry想等日本以外的fans報哂名先,
剩低的quota先俾日本fans,
咁樣就會確保香港同內地ge fans實黎到.
畢竟日本果邊多人嘛, 而且佢自己都知近黎去多左日本.

但消息未出之前有另一個朋友用很酸的語氣說: "荷包沒別人大﹐沒辦法。"
依家你知道咩事啦

唉只能說做言承旭真的很難

哈哈早排俾econ test刺激到突然間勁鐘意econ
點知呢兩日團火又熄番 =.=
希望睇多D張五常本書會令我重拾熱情啦
其實econ真係好正

最近又鐘意左好多隊band + 歌手
好神奇地佢地全部都係British
哈哈心繫霧都

本來勁興奮
諗住下個禮拜五Jerry黎去接機 (假設佢夜晚黎 =.=)
點知又無神神話下星期五要PA test
唉唔係咁玩我呀?!

見佢次次黎親香港都係搭國泰
如果夜晚黎就係呢D時間:

6:10
8:30
9:10
9:45
10:10

應該係: CX 405 / CX 473 / CX 401

依家唯有望佢咪6:10黎唔係我會趕唔切 :(

好! 見佢仲有成個禮拜先黎
加油!!!!!!!!!!!!!!!!!!!!!!!!!!!!!!!!!!!!! 頂埋佢!!!!!!!!!!!!!!!!!!!!!!!!!!!!!!!

Lulu, Esther, Grace, 小白, 櫻子,
放心! 我會嗌埋你地果份!!!

Sony Walkman

Sun, 20 Jul 2008 13:12:32 GMT

請大家多多點擊!!!

http://www.sonystyle.com.tw/event/0807_walkman/?cid=36

真的很喜歡這樣的你

Thu, 27 Mar 2008 05:24:21 GMT

好可愛的湊仔男



跳到甩鞋, 但你也笑得太可愛了



拉筋

Friday, December 28, 2007

Fri, 28 Dec 2007 07:24:39 GMT

Cath生日快樂!

Sat, 01 Dec 2007 01:08:16 GMT

我覺得整得好肉酸 =.= 不過......生日快樂就ok啦!

Sunday, November 04, 2007

Sun, 04 Nov 2007 06:10:23 GMT

臭小孩, 一月快到了

又是時候準備慶祝你的生日了

這是第幾個跟你共度的生日?

數手指頭ing, 嗯......自己知道就好

Monday, October 01, 2007

Mon, 01 Oct 2007 12:01:00 GMT

我懂了她

我好想她現在好嗎
舊畫面還在記憶裡掙扎
那年的夏結束時說的話
一直不能放下

她說愛啊愛很偉大
所以才能讓她勇敢離開
當時的我不明白為什麼
直到時間白了頭髮

我懂了她她不讓眼淚落下
所以讓愛結束在最美一剎那
她的眼裡進了沙她算了吧夠了吧
不要再苦苦掙扎

我懂了她不要我為她牽掛
她說天空很大要自由飛翔
沒有結果的愛情她放了吧走了吧
不想要彼此受傷

她那麼傻